تـــــــــش تش وخد كمان تششششششششش
اطلـــــــــــــــع بـــــــــــــــــــــــــــــــــــــــــــــــــــرا
. . .
دا كان المشهد الاخير فى المسلسل اللى بيتكرر لـ أغلب المتقدمين حديثا لـ وظائف فى شركات تكنولوجيا المعلومات بشكل عام
,,, طيب نرجع بالزمن يومين فاتوا عشان نعرف
البدايه
هشام وهيثم المتخرجين حديثا من كليه الهندسه قسم كوميونكيشن
فى حوارهم اليومى على الماسنجر
هشام : واد يا هيثم شوف اللينك دا , بيقولك فى شركه عايزه ناس نتورك انجنيرز مش احنا بردو نعرف اللى هم كاتبينه دا ؟
هيثم : انته عبيط يله ولا ايه ؟ اه طبعا دا احنا خريجين هندسه قسم اتصااااااااالات يعنى أى شركه تتمنى ان احنا نروحلها
هشام : بس خد بالك انهم فى الاعلان عايزين مهندسين خبره سنتين على الاقل
هيثم : يبنى هو حد هيراجع ورانا !! احنا هنكتب فى السي فيهات اننا خبره تلات سنين كمان يعـــــم يلا انشله محد حوش
هشام : طيب تفتكر ممكن نكتب ايه فى السى فى غير اننا خريجين هندسه دفعه 2010 ؟؟
هيثم : بسيطه يعم , فاااااكر وحنا فى أولى كليه لما روحنا أخدنا كورس اسمه سى سى حاجه كده ؟؟
هشام : انت تقصد كورس الـ سى سى ان ايه ؟؟
هيثم : أيوه هوووووو دا , أيوه كده خليك مصحصح معايا عشان أحبك , احنا بقه هنكتب اننا احنا أخدنا الكورس دا وكمان أخدنا الشهاده الدوليه فيه
هشام : طب ازاى يعم وحنا مكملناش فى الكورس دا شهر وكمان مشتغلناش غير على سيمليتور يعنى مشوفناش أصلا شكل أجهزه سيسكو دى ايه
هيثم : يعـــــــــــــم متعقدهاش , انته محسسنى يعنى انهم هيجيبولى أجهزه سيسكو ويقلى يلا طبق اللاب دا على الاجهزه !! يبنى دنا أسمع
ان سعر الراوتر الواحد فى سيسكو ممكن يعدى الـ 10 الاف جنيه والسويتش ممكن يعدى الـ 5 الاف جنيه !! أنهى شركه دى اللى عندها الاجهزه
الغاليه دى ؟؟
هشام : طيب طيب خلاص يعم أمرى لله أنا هبعت السى فى بتاعتى ونا وحظى بقه مع انى مش مطمن
هيثم : يبنى بقولك احنا مهندسيين اتصــــــــــالات , انته مش بتفهم انجليزى ولا ايـــــــــــــــــــــــــــــــــه
اليوم التانى
هشام وهيثم كالعاده مقضينها شات طول الليل عشان بسلامتهم مش بيصحوا من النوم غير بعد العصر , فاضيــــــــن بقه
هشام : هيثم , أنا جالى ميل من الشركه اللى كنا بعتنالها السى فيهات بتاعتنا وعندى انترفيو بكره معاهم
هيثم : شركه ايـــــــــــــه ؟
هشام : يبنى الشركه اللى طالبه مهندسين شبكات , انته نسيت ولا ايه ؟
هيثم : يا رااااااااجل !! ايه دا هم بيتكلموا جد ولا ايه !! احـــــــم أقصد يعنى كويس أوى , طيب وناوى على ايه ؟
هشام : مش عارف , من أول ما جالى الميل ونا متوتر ومش عارف أتصرف ازاى أو هروح أقلهم ايه
هيثم : يبنى امال عمك جوجل بيعمل ايه !! ادخل عليه ودور على خبايا واسرار الانترفيو
هشام : منا عملت كده فعلا , بس بيقولوا ان الاسئله بتختلف من شركه لـ شركه وعلى حسب الوظيفه المتقدم ليها
هيثم : يعـــــــــم انته علطول نيــــــــله كده ! بص يعمنا هم اخرهم يقولولك اتكلم شويه عن نفسك وعن طموحاتك وفى الاخر هيسألوك
عايز تاخد مرتب أد ايه
هشام : انت بتكلم جد ؟ طيب لو كده يبقه تمـــــــــــــام أوى بس انت لو مكانى تقولهم عايز كام ؟؟
هيثم : ممممم بص عشان ميقولوش عليك داخل على طمع فـ اطلب 2000 جنيه كـ بدايه هيبقه مناسب أوى
هشام : أنا بردو بقول كده , اه صحيح طيب ألبس ايه ونا رايح ؟؟
هيثم : أنا سمعت ان وائل بتاع محل الهدوم اللى فى أول شارعنا جاب أطقم هدوم جديده عشان الشتا , هعدى عليك بليل نجيبلك تشيريت نضيف كده
ومعاه بنطلون بزراير وسيبك من السوسته دى عشان بقت موضه أديمه
هشام : طيب تمام , هفوت عليك الساعه 11 كده ننزل نجيبهم
هيثم : أوك يا معلم
وفعلا هشام عدى على هيثم بليل وراحوا اشتروا طقم لـ هشام عشان يبقه منظره شيك وهو رايح الانترفيو وكل واحد روح بيتهم
بعد ما هيثم اتفق مع عشان انه لما يرجع من الانترفيو يتصل عليه يعرفه ايه اللى حصل
ودا اللى هنعرفه
,,,,, فى الحلقه التانيه من المسلسل
ciscawy 
December 5, 2010 at 1:30 pm |
هههههههههههههههههههه
جامده جداااا
انا عاوزه الباقى
لازم الواحد يعرف مصيره ويعرف هو المفوض يعمل ايه
قبل اى وظيفه
😀
December 8, 2010 at 3:08 pm |
جارى تحضير الحلقه التانيه وهنزلها خلال اليومين الجايين 😀
September 25, 2017 at 3:28 pm |
فين باقى القصه ههههههههههههههههههههههههههه عايز اعرف